QQS kalkulyatori qanday ishlaydi?
Kalkulyator ikki holatda yordam beradi: narx QQSsiz berilganda unga QQS qo'shadi, narx QQS bilan berilganda esa ichidagi QQSni ajratib ko'rsatadi. Hisob-faktura, shartnoma yoki tijorat taklifi tayyorlashda summani tez tekshirish uchun qulay.
QQS formulalari
QQS qo'shish: QQS = Summa × 12%
QQSni ajratish: QQS = Summa × 12 ÷ 112
Misol. Tovar QQSsiz 5 000 000 so'm. QQS: 5 000 000 × 12% = 600 000 so'm. Hisob-fakturadagi jami summa: 5 600 000 so'm.
Teskari misol. Do'kon chekida 5 600 000 so'm QQS bilan yozilgan. Ichidagi QQS: 5 600 000 × 12 ÷ 112 = 600 000 so'm, QQSsiz narx: 5 000 000 so'm.
Soddalashtirilgan QQS — 6%
2026-yil 1-iyundan ayrim tadbirkorlar QQSni soddalashtirilgan tartibda hisoblashi mumkin: bunda QQS sotish aylanmasining 6% miqdorida to'lanadi. Bu tartibni tanlash uchun soliq organiga shaxsiy kabinet orqali ariza beriladi. Kalkulyatorda stavkani 6 qilib hisoblashingiz mumkin.
Ko'p beriladigan savollar
QQS qanday hisoblanadi?
QQSsiz summaga QQS qo'shish uchun summa 12% ga ko'paytiriladi: 1 000 000 so'm × 12% = 120 000 so'm QQS, jami 1 120 000 so'm.
QQS summa ichidan qanday ajratiladi?
Agar narx QQS bilan berilgan bo'lsa, QQS = summa × 12 / 112. Masalan, 1 120 000 so'm ichidagi QQS: 1 120 000 × 12 / 112 = 120 000 so'm.
QQS stavkasi qancha?
2026-yilda QQSning umumiy stavkasi 12%. 2026-yil 1-iyundan ayrim tadbirkorlar uchun soddalashtirilgan tartib ham joriy etilgan: unda QQS sotish aylanmasining 6% miqdorida hisoblanadi.
QQS hisoboti qachon topshiriladi?
QQS hisoboti va to'lovi o'tgan oy uchun keyingi oyning 20-sanasigacha. Sana dam olish kuniga to'g'ri kelsa, keyingi ish kuniga ko'chadi.
Hisob-kitob ham, butun buxgalteriya ham — bizda
Soliq hisobotlari, ish haqi, 1C bazasi va akt sverkalarni to'liq yuritamiz. Narxni bepul hisoblab beramiz.
Ariza qoldirish